ABŞ Dövlət Departamentinin rəhbəri Entoni Blinken Filippinə səfər edib. Strateji.az "CNN Türk"ə istinadən xəbər verir ki, o burada Filippinin Xarici İşlər Naziri Enrike Manola ilə görüşüb.
Görüş zamanı Blinken Səudiyyə Ərəbistanına və Misirə səfər edəcəyini bildirib. O qeyd edib ki, bu ölkələrə səfər etməkdə məqsədi İsrail və Həmas arasında baş verən toqquşmalarda atəşkəsin əldə olunması üçün müzakirələr aparmaqdır. Bundan əlavə Blinken Qəzzadakı humanitar böhrana toxunaraq ərəb ölkələrinə səfərləri çərçivəsində bu problemində aradan qaldırılmasını müzakirə edəcəyini bildirib.
Ancaq Blinkenin Filippinə səfəri yerli xalq tərəfindən heç də bir mənalı qarşılanmayıb. Ölkədə onun gəlişinə etiraz olaraq aksiyalar keçirilib. Aksiyalar zamanı etirazçıların əlində "Müharibə cinayyətkarı" və "Filippinə xoş gəlmədin" şuarları yazılan plakatlar olub.
//Aytən Əsgərova, Strateji.az