Geriyə qayıt Çap et

Ərdoğan CHP-li deputatı məhkəməyə verdi

 Türkiyə Prezidenti Rəcəb Tayyib Ərdoğan Cümhuriyyət Xalq Partiyasının (CHP) İzmirdən olan millət vəkili Tuncay Özkanı məhkəməyə verib.

Strateji.az qafqazinfo-ya istinadən xəbər verir ki, bu barədə məlumatı Türkiyə liderinin vəkili Hüseyin Aydın açıqlayıb.

Onun sözlərinə görə, Ərdoğan Özkandan 250 min lirə mənəvi təzminat tələb edir. Bildirilir ki, buna səbəb CHP-li deputatın Ərdoğanın ünvanına əsassız və nalayiq ifadələr səsləndirməsi olub. 

H.Aydın, həmçinin qeyd edib ki, Ankara Baş Prokurorluğuna Özkana qarşı "Prezidenti təhqir etmək" ittihamı ilə şikayət ərizəsi təqdim edilib.