Azərbaycan Premyer Liqasının VII turu çərçivəsində keçirilən "Kəpəz"-"Şamaxı" oyunu başa çatdı. Gərgin keçən oyun 0:2 "Şamaxı"nın xeyrinə başa çatdı.
xxxx
"Şamaxı"-"Kəpəz" oyununda tərəflər fasiləyə yollandı. İlk hissədən sonra "Şamaxı" 0:2 hesabı ilə irəlidədir.
xxxxx
Oyunun 19-cu dəqiqəsində "Şamaxı"nın ikinci topuna imza atdı-"Kəpəz"-"Şamaxı"-0:2
xxxx
Bu gün futbol üzrə Azərbaycan Premyer Liqasında VII tura start verilib. PFL bu günə iki qarşılaşma təyin edib.
Turun və günün açılış oyununda qədim Gəncə təmsilçisi "Kəpəz" "Tovuz Şəhər Stadionu"nda "Şamaxı"nı qəbul edir. Mövsüm başlayandan xal üzünə həsrət Nizami yurdunun təmsilçiləri bu oyunda ən azı bir xal qazanmaq istyir. İki turdu qələbəyə sevinən "Şamaxı" isə bu turda audsayderlə oyunda növbəti üç xalını qazanmaq istəyir. Hakim Cavid Cəlilovun idarə etdiyi qarşılaşmada artıq oyunun 16-cı dəqiqəsində "Şamaxı" Brahim Konate qolu ilə hesabı açdı-"Kəpəz"-"Şamaxı"-0:1
Günün ikinci qarşılaşmasında "Qarabağ" "Azərsun Arena"da "Neftçi"ni qəbul edəcək. UEFA Avropa Liqasının növbəti oyunu çərçivəsində İngiltərə səfirinə hazırlaşan "Qarabağ" bərbad olan əzəli rəqibini bu oyunda məğlub etmək istəyir. "Neftçi" isə qələbə hesabını açmaq üçün meydana çıxacaq.
Turun digər görüşləri Şənbə və Bazar günü keçiriləcək. Şənbə bir qarşılaşma baş tutacaq.
Günün yeganə qarşılaşmasında "Turan Tovuz" "Tovuz Şəhər Stadionu"nda "Araz-Naxçıvan"ı qəbul edəcək. Tovuzlular bu matçdan qalib ayrılaraq liderliklərini qorumağa çalışacaq. Keçən tur qələbəyə sevinən Muxtar Respublika təmsilçisi bu oyunda ən azı məğlub olmamaq haqqında fikirləşəcək.
Bazar günü iki qarşılaşma baş tutacaq.
Bazar günü ilk olaraq "Səbail" "ASCO Arena"da "Sabah"ı qəbul edəcək. İki turdur xal üzünə həsrət "dənizçilər" bu oyunda ən azı bir xal qazanmağı düşünəcək. "Sabah" meydana növbəti üç xalını qazanmaq üçün çıxacaq.
Günün və turun sonuncu oyununda isə gənclik şəhər təmsilçisi "Sumqayıt" "Mehdi Hüseynzadə adına Sumqayıt şəhər stadionu"nda "Zirə"ni qəbul edəcək. III turdan son xala həsrət "kimyaçılar" bu oyunda qələbə qazanmaq haqqında düşünəcək. Keçən tur "Neftçi"ni məğlub edən "mavi qartallar"da matça üç xal üçün çıxacaq.