Bosniya və Herseqovinanın Xarici işlər naziri Elmedin Konokoviç Xorvatiyaya səfər edib. Strateji.az "haberler.com" saytına istinadən xəbər verir ki, o paytaxt Zaqrebə səfəri çərçivəsində Xorvatiyanın Xarici İşlər və Avropa Məslələri üzrə naziri Qordan Qriliç Radman ilə görüşüb.
Görüşdən sonra tərəflər mətbuata birgə açıqlama verib. Radman Bosniya və Herseqovina ilə Aİ-yə üzvlük danışıqlarının başlamasını alqışladıqlarını və Bosniya və Herseqovinanın Aİ-yə üzvlük yolunda Xorvatiyanın dəstəyinə arxalana biləcəyini qeyd edib.
Bosniya və Herseqovinanın Xarici İşlər naziri Konakoviç mühüm ticarət tərəfdaşlarından biri olan Xorvatiyaya ölkəsinə Avropa İttifaqına üzvlük istiqamətində verdiyi dəstəyə görə təşəkkür edib.
Konakoviç bildirib ki, bizim Aİ-ə üzv olmağımız üçün bir yol xəritəmiz mövcuddur. Biz artıq Avropa İttifaqı "qatarına" minmişik. Bosniya və Herseqovina olaraq bu yolda çətin problemləri həll etmək bizim öz əlimizdədir" deyə Konakoviç bildirib.
Qeyd edək ki, Martın 21-də Avropa İttifaqının Prezidenti Şarl Mişel Bosniya və Herseqovinanın Aİ-üzv olmaq üçün müzakirələrin başlandığını bəyan etmişdir.
//Aytən Əsgərova, Strateji.az