Bolqarıstan yığması "FIFA series - Edition 2024" layihəsi çərçivəsində millimizlə oyuna itki ilə çıxacaq.
İdman.biz xəbər verir ki, rəqib komandanın sağ cinah müdafiəçisi Viktor Popov zədə üzündən Bakıdakı matçı kənardan izləməsi gözlənilir.
Bolqar futbolçu komandanın bugünki məşqində əzələlərində ağrı hiss edib. Bu səbəbdən də onun millimizlə matçda iştirakı sual altına düşüb. 20 yaşlı müdafiəçi Tanzaniya ilə matçda 83 dəqiqə meydanda olub.
Qeyd edək ki, Azərbaycan – Bolqarıstan matçı martın 25-də saat 20:00-da start götürəcək.