Rus ordusu Ukrayanın paytaxtı Kiyev şəhərinə hücum edib. Strateji.az "haberler.com" saytına istinadən xəbər verir ki, Rusiya Kiyevi raket atəşinə tutub.
Məsələ ilə bağlı Kiyevin hərbi komendantı Sergey Popko açıqlama yayıb. O açıqlamanı özünün sosial-şəbəkə hesabından paylaşıb.
O bildirib ki, Rusiya ordusu bu gün səhər saatlarında Kiyevə hücumunda "Tu-95MS" tipli strateji bombardmançı təyyarələrdən "X-101", "X-555" və "X-55" tipli qanadlı raketlərdən istifadə edib. Popko 10-a yaxın raketin hava hücumundan müdafiə qüvvələri tərəfindən məhv edildiyi barədə məlumat paylaşıb.
Məsələ ilə bağlı Kiyevin Bələdiyyə sədri Vitali Kliçkoda məlumat verib. O bildirib ki, səhər saatlarında Kiyevdə partlayış səsləri eşidilib və atılan raketlərdən bir neçəsi havadan müdafiə sistemlərimiz tərəfindən zərərsizləşdirilərək vurulub və meşəlik əraziyə düşüb.
//Aytən Əsgərova, Strateji.az