Azərbaycan Premyer Liqasının XI turu çərçivəsində keçirilən "Turan Tovuz"-"Kəpəz" oyunu başa çatdı. Gərgin keçən matçdan "Turan Tovuz" 2:1 qalib ayrıldı.
xxxx
Oyunun 90+3-cü dəqiqəsində Emanuel Hakman "Turan Tovuz"un ikinci topuna imza ataraq komandasını hesabda önə keçirdi-"Turan Tovuz"-"Kəpəz"-2:1
xxxxx
xxxxx
Oyunun 76-cı dəqiqəsində Luis Paço "Kəpəz"in bərabərlik topuna imza atdı-"Turan Tovuz"-"Kəpəz"-1:1
xxxx
"Turan Tovuz"-"Kəpəz" oyununda tərəflər fasiləyə yollandı. İlk hissədən sonra "Turan Tovuz" 1:0 hesabda irəlidədir.
xxxx
Bu gün futbol üzrə Azərbaycan Premyer Liqasında XI tura start verilib. PFL açılış gününə bir qarşılaşma təyin edib.
Günün və turun açlışın oyununda "Turan Tovuz" "Tovuz Şəhər Stadion"unda qədim Gəncə təmsilçisi "Kəpəz"i qəbul edir. Turnir cədvəlinin ikinci pilləsində olan tovuzlular Qərb derbisində növbəti qələbəsini qazanaraq ikinci pillədəki mövqeyini qorumağa çalışır. Nizami yurdunun təmsilçiləri də bu oyunda ən azında məğlub olmamaq haqqında düşünür. Hakim Rauf Allahverdiyevin idarə etdiyi qarşılaşmada artıq oyunun 15-ci dəqiqəsində "Turan Tovuz" Veysəl Rzayevin qolu ilə hesabı açdı-"Turan Tovuz"-"Kəpəz"-1:0
Turun digər görüşləri sabah və bazar günü keçiriləcək. Sabah iki qarşılaşma baş tutacaq.
İlk olaraq "Araz-Naxçıvan" "Liv Bona Dea Arena"da "Zirə"ni qəbul edəcək. Muxtar respublika təmsilçisi bu oyunda növbəti qələbəsini qazanmağı düşünür. "Mavi qartallar" isə "Araz-Naxçıvan"a çatmaq üçün növbəti üç xallarını qazanmağa çalışacaq.
Günün ikinci qarşılaşmasında "Səbail" "ASCO Arena"da gənclik şəhər təmsilçisi "Sumqayıt"ı qəbul edəcək. Keçən tur "Neftçi"yə məğlub olan "dənizçilər" bu oyunda doğma publika önünüdə qələbə qazanmağa çalışacaq. Keçən tur yeni baş məşqçisi ilə məğlub olan "kimyaçılar" bu turda Vaqif Cavadovun rəhbərliyi ilə ilk üç xalını qazanmaq istəyir.
Turun digər görüşləri Bazar günü keçiriləcək. Bazar günü iki qarşılaşma baş tutacaq.
Bazar günü ilk olaraq "Sabah" "Bank Respublika Arena"da "Neftçi"ni qəbul edəcək. "Bayquşlar" meydana üç xal üçün çıxacaq. Keçən tur mövsümdə ilk qələbəsini qazanan "ağ-qaralar"da növbəti qələbəsini qazanmaq üçün meydana çıxacaq.
Günün və turun sonuncu qarşılaşmasında "Qarabağ" "Tofiq Bəhramov adına Respublika Stadionu"nda "Şamaxı"nı qəbul edəcək. UEFA Avropa Liqasında işləri yaxşı getməyən "köhlən atlar" bu oyunda qələbə qazanaraq Premyer Liqadakı liderliyini qorumaq üçün qələbə qazanmaq istəyəcək.