Geriyə qayıt Çap et

"Liv Bona Dea Arena"da  qalib müəyyənləşmədi-YENİLƏNİB-3

  Azərbaycan Premyer Liqasının XI turu çərçivəsində keçirilən "Araz-Naxçıvan"-"Zirə" oyunu başa çatdı. Gərgin keçən oyunda tərəflər hərəyə bir dəfə fərqlənməklə bir xala razı oldular-"Araz-Naxçıvan"-"Zirə"-1:1

xxxx

Oyunun 89-cu dəqiqəsində Felipe Santos "Araz-Naxçıvan"ın bərabərlik topuna imza atdı-"Araz-Naxçıvan"-"Zirə"-1:1

xxxx

 "Araz-Naxçıvan"-"Zirə" oyununda tərəflər fasiləyə yollanıb. İlk hissədən sonra "Zirə" 0:1 hesabda irəlidədir.

xxxx

Dünən futbol üzrə Azərbaycan Premyer Liqasında XI tura start verilib. PFL bu günə iki qarşılaşma təyin edib.

İlk olaraq "Araz-Naxçıvan" "Liv Bona Dea Arena"da "Zirə"ni qəbul edir. Muxtar respublika təmsilçisi bu oyunda növbəti qələbəsini qazanmağı düşünür. "Mavi qartallar" isə "Araz-Naxçıvan"a çatmaq üçün növbəti üç xallarını qazanmağa çalışır. Hakim Əliyar Ağayevin idarə etdiyi qarşılaşmada artıq oyunun 31-ci dəqiqəsində "Zirə"  Giorgi Papunaşvilinin qolu ilə hesabı açdı-"Araz-Naxçıvan"-"Zirə"-0:1

Günün ikinci qarşılaşmasında "Səbail" "ASCO Arena"da gənclik şəhər təmsilçisi "Sumqayıt"ı qəbul edəcək. Keçən tur "Neftçi"yə məğlub olan "dənizçilər" bu oyunda doğma publika önünüdə qələbə qazanmağa çalışacaq. Keçən tur  yeni baş məşqçisi ilə məğlub olan  "kimyaçılar" bu turda Vaqif Cavadovun rəhbərliyi ilə ilk üç xalını qazanmaq istəyir.

Turun digər görüşləri Bazar günü keçiriləcək. Bazar günü iki qarşılaşma baş tutacaq.

Bazar günü ilk olaraq "Sabah" "Bank Respublika Arena"da "Neftçi"ni qəbul edəcək. "Bayquşlar" meydana üç xal üçün çıxacaq. Keçən tur mövsümdə ilk qələbəsini qazanan  "ağ-qaralar"da növbəti qələbəsini qazanmaq üçün meydana çıxacaq. 

Günün və turun sonuncu qarşılaşmasında "Qarabağ" "Tofiq Bəhramov adına Respublika Stadionu"nda "Şamaxı"nı qəbul edəcək. UEFA Avropa Liqasında işləri yaxşı getməyən "köhlən atlar" bu oyunda qələbə qazanaraq Premyer Liqadakı liderliyini qorumaq üçün qələbə qazanmaq istəyəcək. 

Qeyd edək ki, futbol üzrə Azərbaycan Premyer Liqasının XI turuna dünən start verilib. Açılış günündə bir qarşılaşma baş tutub.

Turun açılış oyununda "Turan Tovuz" "Tovuz Şəhər Stadionu"nda qədim Gəncə təmsilçisi "Kəpəz"i qəbul edib.Artıq oyunun 15-ci  dəqiqəsində  "Turan Tovuz" Veysəl Rzayevin qolu ilə hesabı açıb-"Turan Tovuz"-"Kəpəz"-1:0. İlk hissə tovuzluların 1:0 üstünlüyü ilə başa çatıb. Oyunun 76-cı dəqiqəsində Luis Paço penaltidən "Kəpəz"in bərabərlik topuna imza atıb-"Turan Tovuz"-"Kəpəz"-1:1.Oyunun  90+3-cü dəqiqəsində Emanuel Hakman "Turan Tovuz"un ikinci topuna imza ataraq komandasını hesabda önə keçirib-"Turan Tovuz"-"Kəpəz"-2:1. Bu oyunda vurulan son qol oldu və Qərb derbisindən "Turan Tovuz" 2:1 qalib ayrılıb.