Geriyə qayıt Çap et

"Sumqayıt"dan növbəti qələbə-YENİLƏNİB-3

Azərbaycan Premyer Liqasının XII turu çərçivəsində keçirilən "Sumqayıt"-"Sabah" oyunu baş çatdı. Gərgin keçən görüş "Sumqayıt"ın 1:0
 xeyrinə başa çatdı.

xxxx

Oyunun 90+4-cü dəqiqəsində "Sumqayıt" Roy Kehatın qolu ilə hesabı açdı-"Sumqayıt"-"Sabah"-1:0

xxxx


Cümə günü futbol üzrə Azərbaycan Premyer Liqasında XII tura start verilib. PFL bu günə iki qarşılaşma təyin edib. 

Günün və turun sonuncu qarşılaşmasında gənclik şəhər təmsilçisi "Sumqayıt" "Mehdi Hüseyinzadə adına Sumqayıt Şəhər Stadionu"nda "Sabah"ı qəbul edir. "Kimyaçılar" bu oyunda növbəti üç xallarını qazanmağı hədəfləyib. "Bayquşlar"da bu matçda üç xal gözü ilə baxır. Hakim Rəvan Həmzəzadənin idarə etdiyi qarşılaşmada artıq oyundə ilk hissə arxada qaldı. İlk hissədən sonra tərəflərdən heç biri fərqlənə bilməyib-"Sumqayıt"-"Sabah"-0:0

Qeyd etdiyimiz kimi futbol üzrə Azərbaycan Premyer Liqasının XIII turu Cümə günü start götürüb. Turun açılış günündə iki qarşılaşma baş tutub.

İlk olaraq "Turan Tovuz" "Tovuz Şəhər Stadionu"nda "Qarabağ"ı qəbul edib. Görüşün ilk hissəsi başladığı hesabla bitti-"Qarabağ"-""Turan Tovuz"-0:0. Oyunun ikinci hissəsində qol səsi gəlməyib və beləcə matç başladığı hesabla bitib-"Qarabağ"-"Turan Tovuz"-0:0

Günün ikinci qarşılaşmasında "Neftçi" "Neftçi Arena"da "Araz-Naxçıvan"ı qəbul edib. Oyunun 30-cu dəqiqəsində "Araz-Naxçıvan" Felipe Santosun qolu ilə hesabı açıb-"Neftçi"-"Araz-Naxçıvan"-0:1. İlk hissə muxtar respublika təmsilçisinin 0:1 üstünlüyü ilə başa çatıb. Oyunun 90+3-cü dəqiqəsində isə naxçıvanlıların heyətində Turan Vəlizadə ikinci sarı vərəqəni alaraq meydandan qovulub-"Neftçi"-"Araz-Naxçıvan"-0:1. Bu oyunda yaddaqalan sonuncu hadisə olub və "Araz-Naxçıvan" matçda 3 xalla ayrılıb.

Dünən bir qarşılaşma baş tutub.

Günün yeganə qarşılaşmasında "Şamaxı" "Şamaxı Şəhər Stadionu"nda "Zirə"ni qəbul edib. Artıq oyunun 33-cü  dəqiqəsində "Zirə" Junior Martinsin qolu ilə hesabı açıb-"Şamaxı"-"Zirə"-0:1. İlk hissə "mavi qartallar"ın 0:1 hesablı üstünlüyü ilə başa çatıb. Oyunun 63-cü dəqiqəsində "Şamaxı"ının heyətindən Vasiliye Bakiç avtoqolu ilə  "Zirə"nin ikinci topuna imza atıb-"Şamaxı"-"Zirə"-0:2. Bu oyunda vurulan sonuncu qol olub və "Zirə" matçdan 0:2 qalib ayrlılıb.

Bu gün bir qarşılaşma baş tutub. 

Bu görüşdən əvvəl "Kəpəz" "Tovuz Şəhər Stadionun"nda "Səbail"i qəbul edib. Görüşün ilk hissəsi başladığı hesabla bitib-"Kəpəz"-"Səbail"-0:0. Oyunun 96-cı dəqiqəsində "Kəpəz" Camal Cəfərovun qolu ilə hesabı açıb-"Kəpəz"-"Səbail"-1:0. Bu oyunda vurulan yeganə qol olub və "Kəpəz" matçdan 1:0 qalib ayrılıb.