ABŞ-ın Texsas statında bir neçə fermada olan inəklərdə quş qripi aşkarlanıb. Strateji.az Türkiyənin "Hürriyet" qəzetinə istinadən xəbər verir ki, sözü gedən inəklərin südləri analiz edilərkən quş qripi testləri pozitiv çıxıb.
İnəklərin iştaha və əmizdirmə ilə bağlı problemlərini müşahidə etdikdən sonra heyvanlar müainə edilib. Güman olunur ki, heyvanlara virus çöl quşlarından keçib. ABŞ-ın Kənd Təsərrüfatı Nazirliyinin verdiyi məlumata görə sözügedən virus insanlar üçün təhlükəli deyil. Ancaq yenə də onların südü insanların istehlakı üçün istifa olunmaycaq.
//Aytən Əsgərova, Strateji.az