Bildiyiniz kimi Bakıda keçirilən BMT-nin İqlim Dəyişmələri üzrə Çərçivə Konvensiyasının Tərəflər Konfransının 29-cu sessiyasında "Azərsun Holding" olaraq dayanıqlı inkişaf tərəfdaşı olaraq iştirak edirik. Bu sözləri Strateji.az saytına açıqlamasında "Azərsun Holding" şirkətinin İctimaiyyətlə Əlaqələr şöbəsinin rəhbəri Rza Məmmədov deyib.
"Bu tərəfdaşlıq çərçicəsində Yaşıl zonada "Azərsun Holding"ə məxsus 300 kvadratmetrlik pavilyon inşa olunub. Bu pavilyonda "Azərsun Holding"in dayanaqlı inkişafa dair həyata keçirdiyi layihələr barədə məlumat verilir. Bundan başqa marifləndirici videolar təqdim edilir. Artıq biz iki startapımızı təqdim etmişik. Bundan əlavə dayanıqlı inkişaf çərçivəsində Yaşıl zonada 4, Mavi zonada isə 1 böyük tədbirimzi baş tutacaq. Bundan əlavə bizim Yaşıl Zonada öz konfrans otağımız mövcuddur ki, burada da dayanıqlı inkişaf mövzusunda gün ərzində 4-5 tədbir, təqdimat və təlim keçirilir."-deyə Rza Məmmədov bildirib.
//Nəzərbəy Hacıağayev, Strateji.az