Geriyə qayıt Çap et

"Qarabağ" üç xalı üç cavabsız qolla qazandı-YENİLƏNİB-4

Azərbaycan Premyer Liqasının XIV turu çərçivəsində keçirilən "Səbail"-"Qarabağ" oyunu başa çatdı. Gərgin keçən oyunda "Qarabağ" 3 xalı 3 cvabsız qolla qazanaraq liderliyə yenidən yüksəldi-"Səbail"-"Qarabağ"-0:3

xxxx

Oyunun 88-ci dəqiqəsində Aleksey Kaşuk  "Qarabağ"ın üçüncü topuna imza atdı-"Səbail"-"Qarabağ"-0:3

xxxx

Oyunun 66-cı dəqiqəsində Aleksey Kaşuk "Qarabağ"ın ikinci topuna imza atdı-"Səbail"-"Qarabağ"-0:2

xxxxx

Oyunun 47-ci dəqiqəsində "Qarabağ" Oliviya Juninyonun qolu ilə hesabı açdı-"Səbail"-"Qarabağ"-0:1

xxxx


Dünən Azərbaycan milli komandasının UEFA Millətlər Liqasındakı oyunları ilə əlaqədar olaraq yaranan fasilədən sonra  futbol üzrə Azərbaycan Premyer Liqasında XIV tura start verilib. PFL bu günə iki qarşılaşma təyin edib.

Günün ilk  "Səbail" "ASCO Arena"da "Qarabağ"ı qəbul edir. "Dənizçilər" matçda ən azından məğlub olmamaq haqqında düşünür. UEFA Avropa Liqasının liqa mərhələsində növbəti oyuna hazırlaşan "köhlən atlar" isə matçda çox güc sərf etmədən növbəti üç xalını qazanaraq I pilləyə yüksəlmək haqqında düşünür. Hakim Nicat İsmayıllının idarə etdiyi qarşılaşmada artıq oyunda ilk hissə arxada qaldı. İlk hissədən sonra tərəflərdən heç biri fərqlənə bilməyib-"Səbail"-"Qarabağ"-0:0


Günün ikinci qarşılaşmasında "Neftçi" "Neftçi Arena"da "Zirə"ni qəbul edəcək. Samir Abbasovun da gəlişindən sonra qeyri-stabil oyun sərgiləyən "ağ-qaralar" bu oyunda qələbə qazanmağı hədəfləyib. Keçən tur "Qarabağ" qarşısında darmadağın olan "mavi qartallar" bu oyunda növbəti üç xallarını qazanmağa çalışacaq. 

Bazar günü iki qarşılaşma baş tutacaq.

İlk olaraq "Turan Tovuz" "Tovuz Şəhər Stadionu"nda "Sabah"ı qəbul edəcək. Yüksək yerlər uğurunda mübarizə aparan və iki turdur qələbəyə həsrət tovuzlular bu oyunda növbəti qələbələrini qazanmağa çalışacaq. Düz altı turdu qələbə qazanana bilməyən "bayquşlar"da meydana qələbə üçün çıxacaq.

Günün və turun sonuncu qarşılaşmasında gənclik şəhər təmsilçisi "Sumqayıt" "Mehdi Hüseyinzadə adına Sumqayıt Şəhər Stadionu"nda "Şamaxı"nı qəbul edəcək. "Kimyaçılar" matçda növbəti üç xallarını qazanmağı hədəfləyib.  "Şamaxı" isə bu oyunda ən azından məğlub olmamaq haqqında düşünəcək.

Qeyd edək ki, futbol üzrə Azərbaycan Premyer Liqasının XIV turuna dünən start verilib. Açılış günündə bir qarşılaşma baş tutub. 

Günün yeganə qarşılaşmasında qədim Gəncə təmsilçisi "Kəpəz" "Tovuz Şəhər Stadionu"nda "Araz-Naxçıvan"ı qəbul edib. Artıq oyunun 25-ci dəqiqəsində "Araz-Naxçıvan" Felipe Santosun qolu ilə hesabı açıb-"Kəpəz"-"Araz-Naxçıvan"-0:1. İlk hissə "Araz-Naxçıvan"ın 0:1 üstünlüyü ilə başa çatıb.Oyunun 85-ci dəqiqəsində Bernardo Dias "Araz-Naxçıvan"ın ikinci topuna imza atıb-"Kəpəz"-"Araz-Naxçıvan"-0:2. Bu oyunda vurulan sonuncu qol olub və "Araz-Naxçıvan" matçdan 0:2 qalib ayrılıb.