Türkiyənin "Beşiktaş" klubu düşdüyü böhrandan qurtara bilmir.
Komanda bu dəfə niderlandlı baş məşqçi Covanni van Bronxostla yollarını ayırmaq qərarına gəlib.
Son günlər olan uğursuz nəticələrə "Makkabi" məğlubiyyətinin (1:3) əlavə olunması bardağı daşıran son damla olub. Onun yerinə yenidən Sərgən Yalçının gətiriləcəyi deyilir.
Xatırladaq ki, daha öncə klubun prezidenti Hasan Arat, idman direktoru Samet Aybaba, vitse-prezident Onur Göçmez və İdarə Heyətinin məsləhətçisi Bradley Fridel da istefa ərizələrini yazıblar.
//milli.az