Azərbaycan Premyer Liqasının XVI turu çərçivəsində keçirilən "Səbail"-"Araz-Naxçıvan" oyunu başa çatdı. Gərgin keçən matçda 0:2 qələbə qazanan "Araz-Naxçıvan" yenidən liderliyə yüksəldi.
xxxx
Oyunun 56-cı dəqiqəsinsdə Bernardo Dias "Araz-Naxçıvan"ın ikinci topuna imza atdı-"Səbail"-"Araz-Naxçıvan"-0:2
xxxx
"Səbail"-"Araz-Naxçıvan" oyununda tərəflər fasiləyə yollandı. İlk hissədən sonra "Araz-Naxçıvan" 0:1 hesabda irəlidədir.
xxxx
Bu gün futbol üzrə Azərbaycan Premyer Liqasında XVI tura start veriləcək. PFL bu günə iki qarşılaşma təyin edib.
Turun açılış oyununda "Səbail" "ASCO Arena"da "Araz-Naxçıvan"ı qəbul edir. "Dənizçilər" matçda ən azı məğlub olmamaq haqqında düşünür. Muxtar respublika təmsilçisi isə bu oyunda növbəti qələbəsini qazanmağı hədəfləyir. Hakim Rəşad Əhmədovun idarə etdiyi qarşılaşmada artıq oyunun 45+2-ci dəqiqəsində "Araz-Naxçıvan" Ramon Maçadonun penaltidən qolu ilə hesab açdı-"Səbail"-"Araz-Naxçıvan"-0:1
Bu gün daha bir qarşılama baş tutacaq.
Günün ikinci qarşılaşmasında "Sabah" "Bank Respublika Arena"da "Qarabağ"ı qəbul edəcək. "Bayquşlar" doğma publika önünüdə ən azından məğlub olmamaq haqqında düşünəcək. "Qarabağ" isə matçda növbəti üç xalını qazanmaq üçün çıxacaq.
Turun digər görüşləri Bazar və Bazar ertəsi günü keçiriləcək. Bazar günü iki qarşılaşma baş tutacaq.
Bazar günü günün ilk qarşılaşmasında qədim Gəncə təmsilçisi "Kəpəz" "Tovuz Şəhər Stadionu"nda "Zirə"ni qəbul edəcək. Keçən tur qələbəyə sevinən Nizami yurdunun təmsilçiləri bu oyunda ən azından 1 xalla ayrılmağı düşünəcək. Keçən tur qələbəsizlik seriyasına son qoyan "mavi qartallar" bu turda da qələbə qazanmağı hədəfləyib.
Günün ikinci qarşılaşmasında gənclik şəhər təmsilçisi "Sumqayıt" "Mehdi Hüseyinzadə adına Sumqayıt Şəhər Stadionu"nda "Neftçi"ni qəbul edəcək. "Kimyaçılar"da "Ağ-qaralar"da matça üç xal üçün çıxacaq.
Turun sonuncu görüşü Bazar ertəsi keçiriləcək.
Günün yeganə və turun sonuncu qarşılaşmasında "Turan Tovuz" "Tovuz Şəhər Stadionu"nda "Turan Tovuz" "Şamaxı"nı qəbul edəcək. Dörd turdur qələbə üzünə həsrət Kurban Berdiyevin yetirmələri bu oyunda qələbə qazanmağa çalışacaq. "Şamaxı" da bu matçda ən azından məğlub olmamaq haqqında düşünəcək.