Suriyada Bəşər Əsəd rejimi devrildikdən sonra ölkənin gələcəyi ilə bağlı sullar yaranır. Strateji.az "CNN Türk"ə istinadən xəbər verir ki, Britaniyanın məhşur "BBC" media orqanı ekspertlərə istinadən ölkənin gələcəyi ilə bağlı üç fərqli ssenarini irəli sürüb.
I ssnerai hadislərin ən yaxşı varyantıdır
İlk ssenariyə görə hal-hazırda Heyət Təhrir əş-Şam (HTŞ)ın rəhbəri Əbu Məhəmməd Colani ölkəni birləşdirmək vədlərini həyata keçirəcək. Colani hal-hazırda fərqli mənsəblər və görüşlərə birlikdə vahid Suriya ideasını irəli sürüb. Ancaq 2011-ci ildən bu yana Suriyada çox sayda fərqli siyasi görüşlərə malik olan qruplar və silahlı dəstələr mövcuddur. Bütün bunların yenidən bir araya gəlməsi və keçid prosesində iştirak edəcəkləri bəlli deyil.
II ssenari HTŞ rejimidir
İkinci ssenari bir çox ekspertlərin qorxulu yuxusudur. Belə ki, ikinci ssenariyə görə Colani hakimiyyətə gələcək. Əsəd kimi avtoritar bir rejim quracaq. Sadəcə sabitliyin təmin edilməsi ilə ictimaəti susduracaq. Çünki Çolaninin idarə etdiyi bir İdlib nümunəsi var. Burada Çolani müxaliflərinə qarşı həddindən artıq anti-demokrat davrandığı məlumdur. O müxaliflərini həbs etməkdən, onlara həbsxanalarda işgəncə verməkdən belə çəkinməyib. Ancaq bəzi analitiklər düşünür ki, Çolaninin İdlibdə olduğu kimi Dəməşqdə də avtoritar bir rejim yaratmaq üçün lazımı qədər resusu yoxdur.
III ssenari isə parlaçalanmış Suriya ssenarisidir
Üçüncü ssenari isə Ərəb Baharından sonra bir çox ərəb dövlətləri kimi Suriyada fikir ayrılıqlarına görə parçalanacaq və tərəflər arasında vətəndaş müharibəsi gedəcək. Buna səbəb isə ölkədə xeyli sayda fərqli siyasi düşüncəyə malik olan silahlı qruplaşmaların mövcud olmasıdır.
//Nəzərbəy Hacıağayev, Strateji.az