Xəbər verdiyimiz kimi Perunun dövlət başçısı Dina Boluartenin evində polis tərəfindən axtarış aparılmışdı. Strateji.az "CNN Türk"ə istinadən xəbər verir ki, buna səbəb onun dövlət başçısı təyin olunmamışdan əvvəl gəlirlər haqqında deklorasiyanı düzgün verməməsi olub.
Məlum olub ki, Dina Boluartenin gəlirlər deklorasiyasına əlavə etmədiyi çox bahalı saatları mövcud olub. İstintaqın gedişi zamanı isə istefa verən də tapılıb. Beləki ölkənin Daxili İşlər Naziri Viktor Torres istefa verib. O istefa verərkən bildirib ki, əllərim təmiz bir şəkildə dinc vəzifəmdən ayrılıram.
Qeyd edək ki, Dina Boluarte keçmiş dövlət başçısının istefasından sonra parlamentin qərarı ilə ölkə başçısı təyin edilmişdi. Ancaq onun bu təyinatı ölkədə bir mənalı qarşılanmayıb. Xalq dövlət başçısının seçki yolu ilə seçilməsi üçün etiraz aksiyaları keçirdib.
//Aytən Əsgərova, Strateji.az