Kənan Kərimov: "Mütləq qələbə qazanmalıydıq"
"Karvan" I Liqanın ikinci yarısına heç də yaxşı başlamadı. Komanda qış fasiləsindən sonra ilk iki oyunda cəmi 1 xal toplayıb. Buna rəğmən Yevlax təmsilçisi XIV turda doğma divarlar arasınsa MOİK məğlub edib. Komandanın baş məşqçisi Kənan Kərimovun Strateji.az saytına qələbə şərhi belə olub.
"Qış fasiləsindən sonra çempionata yaxşı start götütmədik. XII turda heç-heçə etdik, XIII turda isə məğlub olduq. Uğursuzluğu aradan qaldırmaq üçün MOİK ilə matçda mütləq qələbə qazanmalıydıq. Yetirmələrim oyunun startından finalına kimi yaxşı döyüşdülər, ağıllı oynadılar. Erkən qollar vurmaq tək qələbə yox, hən də psixoloji üstünlüyümüzə gətirib çıxardı. Layiqli qələbə qazandıq. Futbolçularıma təşəkkür edirəm. Bu uğurumuzu qarşıdakı turlarda da davam etdirməliyik". -deyə Kənan Kərimov bildirib.
// Strateji.az ABDULLA İSMAYILOĞLU







