BMT-dən Haiti ilə bağlı xəbərdarlıq
Artıq uzun müddətdir ki, Haitidə hökumət qüvvələri ilə üsyançı dəstələr arasında silahlı toqquşmalar davam edir. Strateji.az Türkiyənin "Hürriyet" qəzetinə istinadən xəbər verir ki, ölkənin paytaxtı Port-o-Prinsdə fövqaladə vəziyyət Aprelin 3-nə kimi uzadıldı.
Fövqaladə vəziyyət zamanı hətta ən adi gündəlik proseslər yasaqlanıb. Bundan əlavə küçəyə çıxanları həbs etmək qərarı verilib.
BMT ölkədəki vəziyyətlə bağlı ciddi xəbərdarlıq edib. Beləki ölkədə yanacaq doldurma məntəqələrinin bağlı olması ilə əlaqədar olaraq insanlar yanacağı müxtəlif yollarla əldə edir. Ölkədə qida çatışmazlığı ən pik həddədir. Ən acınacaqlı vəziyyət ölkənin tibb sektorundadır. Port-o-Prinsdəki xəstəxanalarda demək olar ki, tibbi ləvazimat və dərman çatışmazlığı var. BMT yaydığı bəyatda bildirib ki, ölkənin səhiyyə sistemi çökmək üzrədir. Eyni zamanda da toqquşmalar nəticəsində yaralananlara tibbi yardımın edilməsində ciddi problemlər ortaya çıxır. Ölkəyə BMT tərəfindən göndərilən tibbi yarım isə dəniz limanından paytaxta hələ də daxil ola bilməyib.
//Nəzərbəy Hacıağayev, Strateji.az