İsveçin Baş nazirindən Ukraynaya dəstək çağrışı

 İsveçin Baş naziri  Ulf Kristersson Finlandiyanın Prezidenti Aleksandr Stubbla bir araya gəlib. Strateji.az "haberler.com" saytına istinadən xəbər verir ki, tərəflər arasında görüş Stoklomda baş tutub.

Tərəflərin görüşməsindən sonra Kristersson və Stubbun birgə mətbuat konfransı keçirilib.  Mətbuat konfransı zamanı İsveçin Baş naziri Ukraynaya dəha çox dəstəyin verilməsinin vacibliyini vurğulayıb. 

"Avropa öz təhlükəsizliyi üçün məsuliyyət daşımalı və Ukraynaya daha çox dəstək verməlidir. Çünki bu dəstək Avropa, İsveç və Finlandiyanın təhlükəsizliyinin əhəmiyyətli bir parçasıdır"-deyə Kristersson bildirib.

Finlandiya Prezidenti isə İsveçin və Finlandiyanın alyansa üzv olmasının təşkilata xeyir verəcəyindən bəhs edib. 

"Biz bir il əvvəl NATO alyansına qoşulmuşuq, indi bizim üzərimizə böyük məsuliyyət düşür. NATO-nun Rusiya ilə müdafiə alyansının sərhədinin iki dəfə artdığını nəzərə alsaq, Finlandiya NATO-nun cəbhəyanı dövlətinə çevrilib"-deyə Stubb bildirib.

Finlandiya Prezidenti ilk rəsmi səfərinin məhs İsveçə olmasından qürur duyduğunu da dilə gətirib.

//Nəzərbəy Hacıağayev, Strateji.az