Hindistanda 7 nəfər üsyançı öldürüldü
Hindistanda hüquq-mühafizə orqanlarının əməkdaşları və Mao üsyançıları arasında toqquşma olub. Strateji.az "haberler.com" saytına istinadən xəbər verir ki, toqquşma Çatisqarh əyalətində olub.
Silahlı toqquşma zamaı 7 üsyançı məhv edilib. Üsyançılara məxsus çox sayda silah və sursat ələ keçirilib. Bundan əlavə olaraq onların bəzilərinin meşədə axtarışı hələ də davam edir.
Qeyd edək ki, Aprelin 16-da üsyançılar və Hindistanın güc strukturları arasında toqquşma baş vermişdi. Həmin toqquşmada 29 Mao üsyançısı məhv edilmişdi.
//Aytən Əsgərova, Strateji.az