“Bitcoin”in qiyməti 63 min dollardan aşağı enib

Son sutkada kriptovalyuta bazarında əsas indekslərdə eniş davam edib.
“CoinMarketCap” platformasında “Bitcoin”in qiyməti son 24 saatda 2,4% azalaraq 62 725 ABŞ dollarına düşüb. Dünyanın ən böyük kriptovalyutasının qiyməti son bir həftədə isə 14,4% azalıb.
Bazarın ikinci ən böyük kriptovalyutası olan “Ethereum”un qiyməti 4,1% azalaraq 1 732 dollara enib. Son yeddi gündə aktivin qiyməti 13,4% geriləyib.
Digər əsas kriptovalyutalarda da mənfi dinamika müşahidə olunub. BNB-nin qiyməti 3,6% azalaraq 596 dollara, “Monero”nun qiyməti 8% azalaraq 334 dollara, “Bitcoin Cash”in qiyməti isə 3% azalaraq 240 dollara düşüb.
Qlobal kriptovalyuta bazarının ümumi kapitallaşması son sutkada 3,2% azalaraq 2,17 trilyon ABŞ dolları səviyyəsinə enib. “CoinMarketCap” 20 İndeksi (CMC20) də 3,5% azalaraq 128,1 bənd olub.
Şəfa Yusifzadə







