Kriştiano Ronaldo: " Avro-2024-də Kuboku qazanacağımıza inanırıq"

 Bir neçə saatdan sonra futbol üzrə Avropa Çempionatına start veriləcək. Strateji.az "haberler.com" saytına istinadən xəbər verir ki, planetin diqqətinin Almaniyada olduğu bir zamanda AVRO-2020-də çıxış edək Portuqaliya milli komandasının ulduz futbolçusu Kriştiano Ronaldo fikirlərini Almaniya mətbubatı ilə bölüşüb.

"İnanıram ki, bu nəsil bu miqyaslı turnirdə qalib olmağa layiqdir. Komanda olaraq bütün Portuqaliya xalqı ilə birlikdə kubok arzusundayıq. Addım-addım irəliləməli, diqqəti məqama yönəltməli, sakitləşməli, indiyə qədər etdiyimiz kimi işləməli və bunun mümkün olduğuna inanmalıyıq. Qısa turnir olduğunu bilirik, lakin komanda hazırdır"

Arıtq 6-cı dəfədir ki, Avropa Çempionatının final mərhələsində iştirak edən Ronaldo bu turnirdə bəzi rekordları təzələməyi hədəfləyir.

Əsas odur ki, turnirə yaxşı başlayaq. Özümü hazır hiss edirəm. Futbolu sevirəm, rekordlar önəmli deyil,  əsas nəticədir. Onlar təbii olaraq baş verir. Bu, mənim 6-cı turnirim olacaq. Ən əsası bundan maksimum həzz almaq, yaxşı oynamaq və komandanın qalib gələcəyinə əmin olmaqdır.  Hazırda motivasiyam yaxşıdır və komandanı kifayət qədər sakit görürəm."-deyə Ronaldo bildirib.

//Nəzərbəy Hacıağayev, Strateji.az