Abdulkerim Bardakcı:"Heç kəsdən çəkinəcəyimiz yoxdur"
Dünən Türkiyə milli komandası AVRO-2024-də ilk oyununu keçirib. Strateji.az "CNN Türk"ə istinadən xəbər verir ki, Türkiyə millisi Gürcüstan millisi ilə üz-üzə gəlib.
Görüş 3:1 "ay-ulduzlular"ın xeyrinə başa çatıb. Oyundan sonra Türkiyə yığmasının dayaq yarımmüdafiəçisi Abdulkerim Bardakcı açıqlama verib.
"Bizim heç kimdən çəkinəcəyimiz yoxdur. Biz çox yaxşı komandayıq. Baş məşqçisimiz də əlindən gələni edir. Ronaldo mənə görə dünyanın ən yaxşı oyunçularından biridir. Ona qarşı oynamaq mənim üçün şərəfdir" -deyə Bardakcı bildirib.
O Arda Gülərin dünənki performansından da danışıb.
"Top Ardada olan hamımız güvən içində oluruq. O AVRO-2024-ə damğasını vuracaq. O "Real Madrid"in oyunçusudur. Ondan üstün mərhələ yoxdur. Onun orda oynaması bizi qürurlandır. Hər gün öz üzərində işləyir."-deyə Bardakcı bildirib.
//Nəzərbəy Hacıağayev, Strateji.az