Messini ittiham etdi: "Bu mahnı göstərdi ki, o eqoistdir"

 "Çelsi"nin və "Vest Hem"in keçmiş hücumçusu Karlton Koul Argentina millisinin futbolçularının Amerika Kubokunu qazandıqdan sonra Fransa millisinə qarşı səsləndirdiyi irqçi mahnı ilə bağlı danışıb.

Strateji.az publika.az-a istinadən xəbər verir ki, Koul belə davranışa görə Messini ittiham edib.

"Argentina millisində bəlkə də oyun tarixinin ən yaxşı futbolçusu olan Lionel Messi var. Messiyə deyirik: "Danış". Sizi eşitməliyik, çünki Messi Entsodan böyükdür. O, kapitan və komandanın əsas adamıdır. Messi çıxıb bu davranışla bağlı nəsə deməlidir.

Əks təqdirdə, onun sadəcə əhəmiyyət vermədiyi ortaya çıxır. O, mənim nə hiss etdiyimlə maraqlanmır, əvvəllər birlikdə oynadığı bəzi qaradərili futbolçuların nə hiss etdiyinə əhəmiyyət vermir. Bu sadəcə onun nə qədər eqoist olduğunu göstərir. O, ağzını açıb nəsə deməlidir. Mən onu qınayıram. Mən Messini qınayıram", - Koul deyib.