Xames Rodriges "Rayo Vallesano"ya transfer oldu
Kolumbiyalı futbol ulduzu Xames Rodrigezin yeni klubu məlum olub. Strateji.az "Sporx" saytına istinadən xəbər verir ki, Brazilyanın "San Paoulo" klubunda forma geyinən Rodrigez yenidən İspnaiyaya geri dönüb.
O, İspaniyanın "Rayo Vallesano" klubu ilə razılaşıb. Buna qədər o İspaniyada artıq bir dəfə forma geyinmək şansına nail olub. Bir vaxtlar "kral" klubunun formasını geyinən 33 yaşlı futbolçu 85 oyunda 29 qol, 28 məhsuldar ötürmə ilə yadda qalmışdı. O ümulikdə karyerası ərzində 475 oyunda 122 qol və 150 məhsuldar ötürmə ilə yadda qalıb. Rodrigez bu günə qədər "Real Madrid"lə yanaşı Avropanın digər adlı sanlı klublarından olan "Monoko"nun, "Porto"nun və Almaniya nəhəngi "Bayer Münhen"ində formasını geyinməyə nail olub.
//Nəzərbəy Hacıağayev, Strateji.az