Müşahidəçilərin sayı açıqlandı

 "Azərbaycanda müşahidəçilərlə bağlı ümumi rəqəm 112 min 749-dur".

Strateji.az qafqazinfo-ya istinadən xəbər verir ki, bu sözləri Mərkəzi Seçki Komissiyasının (MSK) sədri Məzahir Pənahov deyib.

MSK sədri bildirib ki, namizədliyi qeydə alınan şəxslərdən 305 nəfər 25 siyasi partiyanın nümayəndəsidir: "Ümumilikdə 990 namizədimizdən 676-sının siyasi mənsubiyyəti var. Namizədlərdən 371 nəfərin də siyasi partiya mənsubiyyəti olsa da, partiya tərəfindən irəli sürülməyib. Qalanları isə öz tərəfindən irəli sürülən namizədlərdir. Səsvermə günü hər dairəyə 7-dən artıq namizəd düşür".

M. Pənahov, həmçinin bildirib ki, 69 ölkə və 51 qurumdan 598 beynəlxalq müşahidəçi qeydə alınıb: "Növbədənkənar parlament seçkiləri ilə bağlı ATƏT-dən 227 nəfər, ATƏT PA-dan 61 nəfər müşahidəçi qeydiyyatdan keçib.

Seçkini şimaldan cənuba qədər geniş coğrafiyanı əhatə edən parlament nümayəndə heyətləri müşahidə edəcək. Eyni zamanda seçkidə bizim dəvət etdiyimiz 8 seçki komissiyasının sədri müşahidə aparacaq".