Azərbaycanda əksər tələbələr nəyə görə universitet dəyişmək istəyirlər? - VİDEO
2023-cü ildə orta ixtisas təhsili müəssisələrindən və ölkə daxilində yerləşən ali təhsil müəssisələrinin bakalavriat və magistratura səviyyələrindən ümumilikdə 2649 nəfərin köçürülməsi baş tutub.
Köçürülməsinə icazə verilən 2649 nəfərin 2287-si bakalavriat, 16 nəfəri magistratura səviyyəsi, 346 nəfəri isə orta ixtisas təhsili pilləsinin tələbəsi olub.
Bəs tələbələr nəyə görə ali məktəblərini dəyişmək qərarına gəlir?
Köçürülmə prosesində özəl yoxsa dövlət universitetləri seçilir?
Strateji.az Xəzər TV-yə istinadən bildirir ki,təhsil eksperti Kamran Əsədovun sözlərinə görə, tələbə transferinin müxtəlif səbəbləri var.
Kamran Əsədov deyir ki, 2023-cü ilə qədər özəl təhsil müəssisələri arasından daha çox tələbə köçürülməsi Qərbi Kaspi Universitetində, dövlət təhsil müəssisələri arasından isə Turizm və Menecment Universitetində baş tuturdu.
Qeyd edək ki, tələbələrin bir ali təhsil müəssisəsindən digər ali təhsil müəssisəsinə, yaxud bir ixtisasdan digərinə köçürülməsi Elm və Təhsil Nazirliyinin razılığı ilə həyata keçirilir.
Mövzu ilə bağlı daha ətraflı videomaterialı təqdim edirik:
