Rafael Varan karyerasını başa vurdu

 Ulduz futbolçu Rafael Varan karyerasını başa verib. Strateji.az "haberler.com" saytına istinadən xəbər verir ki, Varan karyerasını 31 yaşında bitirib.

Onun son komandası İtaliya A seriyasında mübarizə aparan "Komo-1907" komandası olub. Son komandasında cəmi 23 dəqiqə meydanda olan Varan uzun müddətdir ki, zədədən əziyyət çəkirdi.

Onun karyerasının ən uğurlu dönəmi 2011-ci ildə transfer olduğu "Real Madrid"lə bağlıdır. Bundan sonra isə dayaqyarımmüdafiçisi "Mançester Yunayted"in şərəfini qoruyub.

Fransız dayaqyarımmüdafiəçisi 2018-ci il Dünya Kuboku çempionluğu ilə yanaşı, 4 dəfə Çempionlar Liqasının, 4 dəfə FIFA Klublararası Dünya Kubokunun, 3 dəfə İspaniya La Liqasının , 3 UEFA Super Kubokunun, 1 UEFA Millətlər Liqasının, 1 İngiltərə Federasiya Kubokunun, 1 dəfə İspaniya Kral Kubokunun qalibi olub. O bir dəfə isə İngiltərə Liqa Kubokunun da qalibi olub. 

//Nəzərbəy Hacıağayev, Strateji.az