Aytən Qeybullayeva “Türk Dünyası Zirvə Ödülləri” çərçivəsində mükafata layiq görüldü

Aytən Qeybullayeva “Türk Dünyası Zirvə Ödülləri” çərçivəsində mükafata layiq görüldü
Türk Dünyası Zirvə Ödülləri layihəsi Azərbaycanda təşkil olunub. Beynəlxalq qonaqların iştirakı ilə keçirilən möhtəşəm qala gecədə Azərbaycanın tanınmış mütəxəssislərindən biri, Güvən Nitq İnkişaf Mərkəzinin təsisçisi və rəhbəri, Həkim Defektoloq-Loqoped Aytən Qeybullayeva da iştirak edib.
Peşəkar fəaliyyəti, uşaqların nitq və inkişaf problemlərinin aradan qaldırılması istiqamətindəki xidmətləri və sahəyə verdiyi töhfələrə görə Aytən Qeybullayeva xüsusi mükafata layiq görülüb.
Uzun illər Ağdaş Şəhər Mərkəzi Xəstəxanasında və müxtəlif klinikalarda fəaliyyət göstərən Aytən Qeybullayeva hazırda rəhbəri olduğu Güvən Nitq İnkişaf Mərkəzində işini uğurla davam etdirir. Nitq və dil pozuntularının korreksiyası, autizm spektr pozuntusu, erkən müdaxilə və uşaq inkişafı sahəsindəki fəaliyyəti ilə valideynlərin etimadını qazanıb.
Aytən Qeybullayevanı bu uğuru münasibətilə təbrik edir, gələcək fəaliyyətində yeni nailiyyətlər və beynəlxalq səviyyədə daha böyük uğurlar arzulayırıq.
Təşkilatçı: Caspian Events Group




